O xoves 20 de decembro os nen@s de 3 anos fixeron unha visita a Biblioteca Pública de Ribadavia, donde fixeron os seus carnets de socios e tamén pintaron un debuxo. Aquí tendes as fotos para ver o ben que o pasaron.
No mes de decembro tivemos uns talleres de elaboración de postais de nadal nas distintas aulas, así como na Biblioteca no Taller de Rosalía. Aquí tendes as fotos:
Os alumn@s de primaria do C.R.A. AMENCER recitaron uns poemas de Celso Emilio Ferreiro, para conmemorar o centenario deste autor.
Mirade que ben o fixeron.
A biblioteca escolar do C.R.A. AMENCER de Ribadavia quere comunicar a toda a comunidade educativa que os vindeiros xoves 13 e 20 de decembro de 2012 teremos un taller de elaboración de Tarxetas de Nadal en dita biblioteca (SAN PAIO). O horario será de 17 a 18 h.
Esperamos a vosa asistencia.
Xa chegou o tempo do Nadal e os agasallos, por iso dende a Biblioteca Escolar do C.R.A. AMENCER queremos ofrecervos unha guía de libros para que sexa máis doada a vosa elección nas vosas cartas aos Reis Magos.
Desexámosvos unhas boas vacacións lectoras. GUIA DE NADAL 2012
A
Biblioteca Pública Municipal de Ribadavia celebrará o Dia da Biblioteca
o 24 de outubro, cun obradoiro infantil de marcapáxinas monstruosos
para os mais cativos e agasallo dun libro a todos os que veñan ese día á
biblioteca a facerse socios ou a coller un libro en préstamo.
Ola familias, dende o equipo da biblioteca "A xoaniña Rosalía" queremos comunicarvos que estamos celebrando no cole o centenario de CELSO EMILIO FERREIRO (naceu o 4 de xaneiro de 1912). Por iso queríamos pedir a colaboración das familias do centro para facer unha pequena exposición sobre este autor. Se tendes na casa algún libro del, pedímosvos que nolo traiades ao cole nos próximos días, ou se queredes buscar en internet e traer algún poema del ou algunha fotografía tamén formaría parte de dita exposición. Ao rematar a exposición devolverase todo o material que nos deixastes.
Aproveitando o material Actividades Lim do Blog Colectivo, podedes empezar a coñecer un pouco máis sobre este autor.
Pincha aquí para poder acceder.
Tamén podedes atopar máis información do autor e as actividades para conmemorar o seu centenario no enderezo: http://celsoemilioferreiro.org/
En youtube podemos ver o poema musicado Eiquí será de Celso Emilio Ferreiro, ademais dun video de carácter educativo sobre a vida e obra do escritor galego
Celso Emilio Ferreiro elaborado polo Equipo de Normalización
Lingüística do CPI Celso Emilio Ferreiro de Vigo con motivo do
centenario do seu nacemento.
No espazo ABALAR da Xunta temos unha unidade didáctica para traballar a este autor.
Con este lema, Biblioteca escolar, acelerador de innovación,
preséntase o cartel que neste curso 2012/2013 edita a Consellería de
Cultura, Educación e Ordenación Universitaria, co gallo da celebración
do mes da biblioteca escolar (outubro) e do Día da Biblioteca (24 de
outubro) e que chegará aos centros en datas próximas. Nesta ocasión, a
ilustración correspondeu ao creador galego Andrés Meixide,
que vén sumarse así aos ilustradores que teñen colaborado con esta
consellería no obxectivo de difundir as posibilidades da biblioteca
escolar (Manuel Mariño/2008, Miguelanxo Prado/2009, Marina Seoane/2010, Emma Ríos/2011)
Ola a tod@s, benvidos ao novo curso 2012-13.
Dende eiquí queremos informarvos dun novo proxecto no que nos vamos a formar todos os mestr@s do C.R.A.
Aquí vos deixo un adianto: PROXECTO LA NUBE
O programa de dinamización da Secretaría
Xeral de Política Lingüística para a Rede de Dinamización Lingüística
FalaRedes levouse adiante en máis de 90 entidades locais. A
actividade que se vai a desenvolver no mes de setembro é a seguinte:
Galego de cine.
Unha pequena caravana percorrerá as localidades pertencentes á Rede de
Dinamización Lingüística proxectando curtas de animación en galego para
nenos e nenas de 6 a 12 anos. Estes terán ocasión de participar,
posteriormente, nunha serie de actividades que lles permitirán ter un
papel activo no seu achegamento ao cinema na nosa lingua. Os resultados
deste traballo poden verse na canle de Youtube Galego de Cine.
Cando finalice a viaxe da caravana polos concellos galegos farase un
concurso no que se premiarán os mellores contos en galego contados ante a
cámara por cada grupo de nenos e nenas participante na actividade.
Cadaquén poderá votar polo seu favorito e os gañadores recibirán o
libro-DVD O soldadiño de Chumbo.
Calendario FalaRedes 2012
Galego de cine
Setembro
01/09/2012. A Pobra de Brollón. Área Recreativa Sanugueiro, biblioteca. 16:30 h – 19:30 h
02/09/2012. Ribas de Sil. Praza Maior. 15:00 h – 18:00 h
07/09/2012. A Bola. Salón Baixo do Concello, biblioteca. 17.00 h – 20.00 h
08/09/2012. Celanova. Praza Maior. 11.00 h – 14.00 h
08/09/2012. Terra de Celanova. Quintela de Lairado, praza de San Pedro. 17.00 – 20.00 h
09/09/2012. Melón. Parque de Melón. 16:30 h – 19:30 h
14/09/2012. Avión. Centro Edificio Primaria. 17:00 h – 20:00 h
15/09/2012. San Cristovo de Cea. Enfronte do Edificio Multiúsos. 17.00 – 20.00 h
16/09/2012. Marín. 11:00 h – 14:00 h
16/09/2012. Vilaboa. Entrada Casa da Cultura. 17:00 h – 20:00 h
21/09/2012. Ponteareas. Praza Maior. 18:00 h – 21:00 h
22/09/2012. Carballedo. Praza do Concello. 17.00 h – 20.00 h
23/09/2012. A Lama. 17:00 h – 20:00 h
27/09/2012. Carral. Campo da Feira. 17:30 h – 20:30 h
30/09/2012. Xove. Praza Centro Cívico. 10:30 h – 13:30 h
30/09/2012. Cee. Praza 8 de Marzo. 17:00 h – 20:00 h
Ola a tod@s, quería comunicar a toda a comunidade educativa do C.R.A AMENCER de Ribadavia que estamos seleccionados para as axudas do PLAMBE (Plan de mellora de bibliotecas escolares de Galicia). Temos concedida unha axuda bastante importante para mellorar as instalacións da nosa biblioteca, ampliar fondos, equipos informáticos, etc.
Como responsable do equipo da biblioteca quero darlle as gracias a todas as familias do noso pequeno cole pola súa colaboración en todas as actividades que fixemos ao longo de todo o curso, xa que sen eles todo isto non sería posible e en especial, a nosa directora Isabel, que sempre estivo aí apoiando todas as actividades que se plantexaban.
Tamén darlle as grazas ao equipo da Casa da Cultura de Ribadavia e a Biblioteca pública do concello de Ribadavia, en especial a Tere e a Bea.
Bo verán a tod@s.
Os nen@s de primaria da escola de Francelos estiveron traballando co libro Imaxina Animais e aquí podedes ver o ben que lle quedaron as súas propias creacións.
7 XUÑO: ÚLTIMO DEBUXO DA MOCHILA VIAXEIRA
FAMILIA VAZQUEZ RODRIGUEZ
FAMILIA VAZQUEZ RODRIGUEZ
Dende o equipo da Biblioteca queremos agradecer a todas as familias do C.R.A. AMENCER a vosa colaboración, xa que sen ela todo isto non sería posible.
MOITAS GRAZAS A TOD@S. ATA O CURSO QUE VEN.
Estes son os contos cos que participamos no Concurso Nacional de Relatos "En otras palabras" da Fundación MAPFRE.
Os nen@s de 1º e 2º de primaria elaboraron os seus propios contos, co tema en común "Un día en el cole".
Tivemos dous contos, o de Aarón e Jesús, entre os 15 máis votodos de toda España. Aínda que ao final non puidemos conseguir o premio, estamos moi contentos con haber participado e chegar ata aí.
PROGRAMACIÓN DA SEMANA CULTURAL DAS LETRAS GALEGAS
Desenvolverase do 9 ao 16 de maio de 2012
Adicada a Valentín Paz Andrade
Actividades previstas:
Unidades Didácticas para infantil e primaria para coñecer a vida e obra deste autor.
Festival de cine: sesións diarias de curtametraxes en galego.
Propostas de rimas, pareados ... a partir do eslogan: "Móllate co galego".
"Decoración libre" de chuvasqueiros a partir da actividade anterior.
Elaboración e recitación de poesías.
--------------------------------------------------------------------------------------------------------------------------
Aquí podedes ver algún dos traballos que fixeron os nenos:
Aquí tendes as poesías coas que participamos no Concurso de Poesía Infantil organizado pola Biblioteca Pública Municipal de Ribadavia.
Trala resolución do Premio de Poesía Infantil que organizou a Biblioteca Pública Municipal de Ribadavia no mes de abril, dentro das actividades conmemorativas do mes do Libro, fíxosenos a entrega do premio , que foi para os alumn@s do C.R.A. Amencer. Entregáronnos un gran lote de libros infantis tanto en galego coma en castelán.
No seguinte enlace podedes ver as fotos.
Dende o equipo da biblioteca do C.R.A. AMENCER queremos agradecer a Biblioteca Pública Municipal de Ribadavia todas as actividades que realiza ao longo do curso escolar e nas que nós sempre intentamos participar. Tamén agradecerlles os lotes de libros que nos deron, tanto no Nadal como no mes do Libro, xa que nos axudan a incrementar os nosos fondos. Moitas grazas a Teresa e a Beatriz.