Despois de ver o contacontos celebramos o 50aniversario da creación da Biblioteca Pública Municipal de Ribadavia cunha gran tarta e cun reparto de libros a cada neno que asistiu.
Con motivo do Dia da Biblioteca, mañan, 24 de outubro, a Biblioteca Pública Municipal de Ribadavia celebrará tamén o 50 aniversario da súa creación Dentro do programa “Ler conta moito” da Consellería de Cultura da Xunta de Galicia, terán un contacontos apoiado da técnica de luces e sombras, da man de Sherezade Bardají, titulado “Onde viven os monstros”, baseado no libro do mesmo nome do escritor Maurice Sendak, que é un conto clásico infantil que supuso unha revolución no mundo da literatura infantil. Ao rematar o espectáculo farán un sorteo de libros e algunha que outra sorpresa. Este contacontos será as 17:00 h no auditorio da Casa da Cultura. Para nenos de mais de 3 anos.
O sabado 26 de outubro, as 20:00 h, na Casa da Cultura de Ribadavia terá lugar o espectáculo"AS POMBAS DE CARBOEIRO".
As pombas de Carboeiro é un espectáculo teatral da compañía Fantoches
Baj deseñado para levarse a cabo en colaboración cunha banda de música
que interpretará as pezas para acompañar os actores durante a
representación.
Daquela, a actividade ten dúas partes: na primeira, unha banda
municipal non-profesional e con predominio de integrantes novos recibirá
as partituras compostas por Benxamín Otero e prepararaas para despois
ensaialas coa compañía teatral; a segunda parte será a representación
teatral con acompañamento musical propiamente dito, un espectáculo
pensado para público a partir dos 12 anos.
Deste xeito, e achegándonos á xente moza a través dos seus intereses e
afeccións musicais, búscase implicar a poboación adolescente no
desenvolvemento dunha actividade en lingua galega que poderá gozar o
resto dos habitantes do seu concello.